بطاطس بوريه

موضوع: بطاطس بوريه الثلاثاء يوليو 21, 2009 11:24 am

وتمشيا مع الوجبات السهله السريعة
صينية البطاطس البيوريه
نقول كيلو بطاطس ونص لحم مفروم ومتعصج عادى
نسلق البطاطس ونقشرها
ونهرسها فى طبق كبير مع كوباية لبن كامل الدسم وملح وفلفل
يبقى عندنا عجينة بطاطس ماسكه نفسها شويه
ندهن الصينية بالسمن ونحط نص عجينة البطاطس ونفرها بالراحه بدون كبس
ونفرفط اللحم المعصج على وشها للتغطية الشامله التامه الكامله العامه

ونحط باقى عجينة البطاطس ونسويها بالايد مع بل الايد بالمية للسهولة
ونكبس بالراحه لاندماج الطبقات العامله الكادحة
ونجين نص كوب لبن كامل الدسم او كريمة لبانى
ونضرب معاها صفار بيضتين على معلقة سمن ضربا مبرحا للاستغاثة
ونصب الخلطة دى على وش الصينية ونحدفها على ايه ؟؟؟؟
ايوه اسم الله على مقامك .... عالفرن
تاخدلها حوالى نص ساعه المهم تحمرى وشها وبالف هنا

[ندعوك للتسجيل في المنتدى أو التعريف بنفسك لمعاينة هذه الصورة] تسلم الاياديريحيتا تجنن [ندعوك للتسجيل في المنتدى أو التعريف بنفسك لمعاينة هذه الصورة]