[ندعوك للتسجيل في المنتدى أو التعريف بنفسك لمعاينة هذه الصورة]اخواتى كتير منا نفسه يدهن ويغير الوان غرفه باستمرار من غير دوشه .
طيب تعالى اقولك تدهنى ازاى بطريقه سهله ومن غير دوشه عمال ولا مصاريف زياده ؟؟؟؟
واعملى زيى وادهنى شقتك بنفسك
2/رولا كبيره وعصايه طويله من بتوع المقشات عشان تتركب فيها او عصايه مقشه قديمه من عندك وثبيتيها فيها
افتحى جردل الدهان ولوحاسه انه تقيل اوى خفيفيه ب2 او 3 كوب ماء كبير ثم قلبيه كويس بعصايه
اولا
لازم الحيطان تكون نظيفه مغسوله عشان يمسك فيها الدهان وبعد ماتنشف قشرى الدهان المتقشر بسكينه المعجون بالنسبه للمطبخ فى الاسقف انا استعملت المقشه الخشنه وقشرتها كويس
ثانيا/
وبعدين الاماكن اللى فيها نقر او خروم تغطيها بالمعجون بطرف سكينه المعجون هى والاماكن اللى تقشرت عشان تساويها وتبقى ناعمه وفى ناس بتستعمل الصنفره للتنعيم بس انا كبرت دماغى
سيبى المعجون ينشف وتانى يوم ابدئى بالوش الاول
بصى بقه عن تجربه 1/ ضعى حوالى 1/2لتر ماء على الدهان قبل الوش الاخير وقلبى كويس لانه بيخلي الدهان يلمع
2/ املى الرولا دهان ووزعى الدهان على شكل نقاط بالحيطه فى المكان اللى تدهنيه بطريقه راسيه مثلا فوشه فوق وفوشه فى النص وفوشه تحت لتوزيع الدهان بشكل متساوى اولا ثم اسحبى الرولا بعد بلها بالدهان خفيف فى اتجاه واحد من السقف الى تحت وهكذا
3/وقسمى الحائط شرائح طوليه خلصى شريحه شريحه على حده
هتلاقى ان زوايا الحائط فى السقف اجزاء منها لم يصلها الدهان هنا بقه جاء وقت استعمال الرولا الصغيره عشان تدهنى بيها الزوايا العليا فى الحوائط
وبكده تبقى انتهيتى من الوش الاول اتركيه يوم كامل ينشف اويومين لو فى الشتاء
ثم اعملى الوش التانى واتركيه ينشف ايضا يومين
وبعد كده اعملى الوش التالت والاخير وطبعا فى الوقت اللى سيبه الدهان بينشف فى غرفه بتكونى بتعملى انتى فى التانيه وبكده تستغلى الوقت
على فكره النتيجه ممتازه
جربى الاول دهان المطبخ الحمام او غرفه نوم قبل الريسبشن اللى تخليه اخر حاجه عشان تكونى كسبت خبره
وبالتوفيق ومبروك مقدما
